اسلام آباد۔17مئی (اے پی پی) وزیراعظم محمد شہباز شریف آکھیا جو حکومت ٻاہرلی سرمایہ کاری ودھاوݨ کیتے ترجیحی بنیاداں تے کم کریندی پئی اے اتے چینی کمپنی ایم سی سی ٹونگسن ریسورسز پاکستان اچ معدنیات تے کان کنی دے شعبے اچ آپݨٰی سرمایہ کاری ودھاوݨ دی دلچسپی ݙکھائی اے۔ وزیراعظم آفس دے میڈیا ونگ توں جاری بیان موجب جمعے کوں وزیرِ اعظم محمد شہباز شریف نال چیئرمین وانگ جائی چینگ دی قیادت اچ چینی کمپنی ایم سی سی ٹونگسن ریسورسز دے وفد ملاقات کیتی۔ ملاقات اچ وفاقی وزرا احد خان چیمہ، ڈاکٹر مصدق ملک، رانا تنویر حسین، جام کمال خان اتے متعلقہ اعلی حکام شریک تھیے۔ چینی کمپنی پاکستان اچ معدنیات تے کان کنی دے شعبے اچ سرمایہ کاری ودھاوݨ اچ دلچسپی ݙکھائی اے۔
