اسلام آباد۔13اپریل (اے پی پی):وزیراعظم دے معاون خصوصی قومی صحت ڈاکٹر فیصل سلطان آکھیے جو کووڈ۔ 19 توں بچݨ کیتے ویکسین 90 توں 95 فیصد تئیں کارآمد اے۔منگل کوں آپݨے ویڈیو پیغام اچ انہاں آکھیے جو پاکستان اچ ویں ویلھے جیڑھی ویکسین کورونا توں بچݨ کیتے استعمال کیتی ویندی پئی اے او90 توں 95 فیصد تئیں کارآمد ہے۔ انہاں آکھیے جو کووڈ- 19 توں بچݨ کیتے دنیا اچ ٻہوں ساریاں ویکسینز دستیاب ہن، انہاں اچوں ٻہوں ساریاں ویکسینز ایہو سویاں ہن جیڑھیاں جو دنیا دے مستند اداریں توں تصدیق شدہ ہن۔ انہاں آکھیے جو انہاں اچوں ترائے ویکسینز پاکستان اچ وی تصدیق شدہ ہن جنہاں کوں پورے بھروسے دے نال استعمال کرسڳدوں اتے اپݨے آپ کوں کووڈ- 19 توں محفوظ رکھ سڳدوں۔
