لاہور۔4دسمبر (اے پی پی) منیجنگ ڈائریکٹر ایسوسی ایٹڈ پریس آف پاکستان (اے پی پی) محمد عاصم کھچی آکھیا جو ملازمین دی فلاح و بہبود کیتے سارے وسائل لاتے ویسن، کرپشن دے خلاف زیرو ٹالرنس پالیسی تے عمل کیتا ویندا پئے۔ بدھ کوں اے پی پی لاہور بیورو اچ تھیوݨ آلی تقریب توں خطاب کریندیں ہوئیں انہاں آکھیا جو ملازمتاں دی فلاح انہاں دی پہلی ترجیح اے اتے او ملازماں بارے اوپن ڈور پالیسی تے یقین رکھیندن۔ انہاں آکھیا جو اے پی پی دے ملازمین ادارے دا اثاثہ ہن۔ انہاں ملازمتاں تے زور ݙتا جو او ادارے دی ترقی کیتے محنت کرن۔ ایم ڈی محمد عاصم کھچی آکھیاجو اے پی پی اچ کرپشن دے خلاف زیرو ٹالرنس پالیسی تے عمل کیتا ویندا پئے۔ کرپٹ عناصر دا خاتمہ ضروری اے۔ ملازماں دے سوالاں دے ولدے اچ انہاں آکھیا جو ملازمین دے میڈیکل بلز کوں ترجیحی بنیاداں تے کلیئر کیتا ویندا پئے۔ انہاں آکھیا جو سارے اے پی پی اسٹیشنز تے ضروری سامان اتے شئیں فوری اتے ترجیحی بنیاداں تے ݙتی ویندی پئن۔ اے پی پی ایمپلائیز یونین پنجاب دے چیئرمین اتے اردو نیوز سروس دے انچارج و چیف رپورٹر محمد عبداللہ منیجنگ ڈائریکٹر محمد عاصم کھچی دی قیادت تے اعتماد کیتا۔ انہاں ادارے دے سربراہ دے طور ملازمین دے مسئلے حل کرݨ تے ایم ڈی محمد عاصم کھچی دا شکریہ ادا کیتا اتے اردو نیوز سروس لاہور بارے بریفنگ ݙتی۔ ایں موقع تے ایم ڈی اے پی پی نیوز روم، ویڈیو نیوز سروس اتے رپورٹنگ روم دا دورہ کیتا اتے اطمینان کیتا۔ ایں توں پہلے اے پی پی ایمپلائیز یونین پنجاب دے صدر رانا عبد الرحمان قومی خبر رساں ایجنسی دے ملازمین ولوں ایم ڈی محمد عاصم کھچی دا گرمجوشی نال استقبال کیتا۔ انہاں ملازمین دے مسئلے فوری حل کرݨ تے ایم ڈی محمد عاصم کھچی دا شکریہ وی ادا کیتا۔
