اسلام آباد۔27اپریل (اے پی پی) وفاقی وزیرداخلہ محسن نقوی اسلام آباد اچ امن عامہ کوں بہتر ٻݨاوݨ ،جرائم پیشہ ،منشیات دی خرید و فروخت اچ ملوث گینگز دے خلاف کریک ڈاؤن دا حکم ݙے ݙتے۔ وزارت داخلہ توں چھݨ چھݨ کوں جاری اعلامیہ موجب محسن نقوی اجلاس دی صدارت دے موقع تے منشیات دی خرید و فروخت اچ ملوث گینگز دے خلاف کریک ڈاؤن دا حکم ݙیندیں ہوئیں آئی جی اسلام آباد پولیس اتے پوری ٹیم کوں ٹاسک ݙے ݙتے۔ وزیرداخلہ آکھیا جو جدید ٹیکنالوجی نال ایں گینگز کوں قانون دی گرفت اچ آندا ونڄے۔ انہاں آکھیا جو تعلیمی اداریاں دے ٻاہر آئس سودھے ٻئی نشہ آور شئیں دی فروخت برداشت نہ کیتا ویسی۔ اجلاس اچ اسلام آباد اچ غیر ملکی شہریاں دی سکیورٹی کیتے سپیشل پروٹیکشن فورس ٻݨاوݨ دا اصولی فیصلہ کیتا ڳئے۔ وزیر داخلہ محسن نقوی آکھیا جو ریڈ زون سودھے سارے اہم دفتراں تے جہیں دی سکیورٹی تے خصوصی توجہ ݙتی ونڄے۔
