اسلام آباد۔15جنوری(اے پی پی) حکومت آندے پندرھواڑے کیتے پٹرولیم مصنوعات دا ملھ برقرار رکھݨ دا اعلان کیتے۔ وفاقی وزیر خزانہ سینیٹر محمد اسحاق ڈار لاہور اچ میڈیا نال الیندے اعلان کیتے جو پٹرولیم مصنوعات دیاں قیمتاں 16 جنوری توں 31 جنوری تئیں برقرار رہسن جو پٹرولیم مصنوعات دے ملھ اچ کوئی کمی بیشی نئیں کیتی۔ پٹرول دا ملھ 214 روپے80 پیسے، ڈیزل دی قیمت 227 روپے 80 پیسے رہسی۔ مٹی دا تیل 171 روپے83 پیسے تے وکسی ڄݙاں جو لائٹ ڈیزل دی قیمت 169 روپے آندے پندرھاں ݙینھ برقرار رہسی۔
