اسلام آباد۔9جنوری(اے پی پی)وزیرخارجہ بلاول بھٹو زرداری چین دے نویں وزیر خارجہ کین گینگ نال ٹیلیفونک رابطہ کیتے اتے انہاں کوں چین دا نواں وزیر خارجہ کواجہ ٻںݨ تے مبارک ݙتی۔ بلاول آکھیا جو پاک چین سنڳت تکڑی اتے مثالی اے، باہمی تعلقات کوں بیا اڳونہا کیتا ویسی۔ انہاں ݙوطرفہ تعلقات، اسٹریٹجک پارٹنرشپ ودھاوݨ دا عزم کریندے جنیوا اچ تھیوݨ آلی پاکستان دی تعمیر نو و بحالی سانڳے بین الاقوامی کانفرنس اچ چین دی فعال شرکت تے چین دے وزیر خارجہ دا شکریہ ادا کیتے۔ انہاں چین دے نویں قمری سال تے چینی ہم منصب کین گینگ، پولٹ بیورو دے رکن اتے مرکزی خارجہ امور کمیشن دے ڈائریکٹر وانگ یی کوں مبارک وی ݙتی۔
.jpg)
