اسلام آباد۔22فروری(اے پی پی)پارلیمانی کشمیر کمیٹی دے چیئرمین شہریار خان آفریدی آکھیے جو اطلاعات دے اڄوکے دور اچ چیلنجاں نال نبرݨ کیتے جامع حکمت عملی دی لوڑھ اے جو دشمن ریاست پاکستان دی بنیاد کوں نشانہ بݨاوݨ کیتے ہر حربہ استعمال کریندی پئی اے اتے جعلی خبراں اتے پروپیگنڈا وی دشمن دا ہتھیار اے۔ اے ڳالھ انہاں کشمیر کمیٹی اتے انسٹی ٹیوٹ آف ریجنل اسٹڈیز ولوں “ڈس انفارمیشن ، تزویراتی جنگ دا آلہ” سیمینار نال خطاب اچ آکھی۔ انہاں آکھیا جو مودی دے ہندوستان اسٹریٹجک اتے سیاسی مقاصد کیتے پاکستان دے خلاف منفی بیانیہ استعمال کیتے، یورپی یونین دی ڈس انفو لیب بھارتی کور بے نقاب کیتے جو ہندوستانی میڈیا اتے این جی اوز بھارتی پروپیگنڈے دا ذریعہ ہین، ایں سانڳے پاکستان کوں بدنام کرݨ، ریاستی اداریان کوں نشانہ بݨاوݨ اتے ڄڳ کوں اکساوݨ کیتے جعلی میڈیا ہاؤسز اتے جعلی سوشل میڈیا پلیٹ فارمز دا استعمال کیتے۔ انہاں آکھیا جو بھارت اپݨے پروپیگنڈے نال کشمیر دی جدوجہد آزادی کوں دہشتگردی نال جوڑݨ دا کم کیتے ، اینجھے چیلنجز نال نبڑݨ کیتے پاکستان کوں موثر حکمت عملی اپناوݨی ہوسی، متعلقہ محکمے سوشل میڈیا دے ضوابط بہتر کرن اتے ماضی دیاں غلطیاں توں سکھن۔
