اسلام آباد ۔ 22 نومبر (اے پی پی) وفاقی وزیر بجلی و پٹرولیم عمر ایوب آکھیے جو پاکستان صوبیاں دے اتفاق رائے نال نویں قابل تجدید توانائی پالیسی دی منظوری ڈتی اے، 2025ءتئیں قابل تجدید ذرائع نال بجلی پیداوار کوں 4توں ودھا تے 20 فیصد تے گھن آسوں۔اے گالھ انہاں ڈنمارک دے سفیر روڈلف ہالموب نال الویندے آکھی جیں وفاقی وزیرنال ملاقات کیتی۔وفاقی وزیر عمر ایوب آکھیے جو پاکستان وی ملک اچ قابل تجدید توانائی دے مواقع توں فیدہ چیسی،نویں قابل تجدید توانائی پالیسی تیکھے حتمی منظوری کیتے مشترکہ مفادات کونسل کوں پیش کیتی ویسی،2030ءتئیں بجلی دی قابل تجدید توانائی دا حصہ 30فیصد تئیں ودھایا ویسی جیندے نال متبادل سستے ذرائع نال 20 ہزار میگاواٹ بجلی پیداکیتی ویسی اتے مرحلہ و ار بجلی سستی تھیسی اتے روزگار وی نکلسن۔انہاں آکھیے جو نویں قابل تجدید پالیسی دے تحت بجلی دے منصوبے شفاف طریقے نال مسابقتی بولی تے لگسن۔ وفاقی وزیر ڈنمارک دی کمپنیاں کوں پاکستان اچ سولر پینلزاتے ونڈ ٹربائنز دی تیاری اچ سرمایہ کاری دی دعوت ڈتی۔ ڈنمارک دے سفیر متبادل توانائی دے ودھارے کیتے حکومتی عزم ڈسائے اتے پاکستانئی ماہرین دی مدددایقین ڈیوائے اتے ڈنمارک دی کمپنیاں ولوں پاکستان اچ متبادل توانائی منصوبے لاونڑ کیتے بولی اچ حصہ گھنڑ دی حاکیتی اے۔
