اسلام آباد۔28اگست (اے پی پی) نگران مشیر انسانی حقوق مشعال حسین ملک عالمی برادری تے زور ݙتے جو او مقبوضہ جموں تے کشمیر اچ انسانی حقوق دیاں خلاف ورزیاں تے بھارت توں جواب گھنے ۔ کشمیر میڈیا سروس موجب ھک نجی نیوز چینل نال ڳالھ مہاڑ کریندے ہوئیں انہاں آکھیے کشمیریاں کوں وی ٻئی قوماں وانڳوں آپݨے مستقبل دا فیصلہ کرݨ دا حق ݙتا ونڄݨا چاہیدے ۔ انہاں آکھیے بھارت کوں جمہوریت، اقوام متحدہ دی قرارداداں اتے کشمیری عوام دی مرضی دا احترام کرݨا ہوسی۔انہاں آکھیے او ویلھا پرے کائنی جݙاں بھارت اپݨے ہی ایجنڈے اتے جارحانہ پالیسیاں دا شکار تھی ویسی ۔ مشعال ملک آکھیے اقوام متحدہ دی سلامتی کونسل دے مستقل ارکان اتے مہذب دنیا کوں مسئلہ کشمیر بارے اقوام متحدہ دی قرارداداں تے عملدرآمد یقینی بݨاوݨ کیتے آپݨا کردار نبھاوݨا چاہیدے ۔
