اسلام آباد۔11مئی (اے پی پی):سٹیٹ کونسل آف عمان دے ڈپٹی چیئرمین شیخ ڈاکٹر الخطاب بن غالب بن علی الحنائی سپیکر قومی اسمبلی راجہ پرویز اشرف نال پارلیمنٹ ہاؤس اچ ملاقات کیتی ۔ قومی اسمبلی سیکرٹریٹ موجب عمان دا پارلیمانی وفد آئین دی گولڈن جوبلی دی تقریب دے سلسلے اچ قومی اسمبلی سیکرٹریٹ دے زیر اہتمام بین الاقوامی آئینی کنونشن وچ شرکت کیتے پاکستان دے سرکاری دورے تے ہے۔ سپیکر قومی اسمبلی آکھیے عمان اچ رہݨ آلے پاکستانی ملک دی سماجی و اقتصادی ترقی اچ کردار ادا کریندے پئن ، انہاں وݙی تعداد اچ پاکستانی کارکناں دی شاندار میزبانی تے عمان دے عوام تے حکومت دی تعریف کیتی، سپیکر آئین دی گولڈن جوبلی تقریبات اچ عمان دی شرکت دی تعریف کیتی ،ایں موقع تے دوستانہ تعلقات دی نوعیت تے ڳالھ مہاڑ کریندے ہوئیں سپیکر آکھیے پاکستان عمان نال آپݨے برادرانہ تعلقات کوں اہمیت ݙیندے ۔ ڈاکٹر الخطاب سپیکر دے خیرسگالی تے مبنی کلمات دی تعریف کریندے ہوئیں آکھیے جو عمان پاکستان کوں آپݨا بھرا سمجھدے ۔ انہاں پارلیمانی فرینڈشپ گروپ دے ذریعے پارلیمانی رابطیں کوں ودھاوݨ دی لوڑھ تے زور ݙتا ۔ملاقات اچ ایم این اے ناز بلوچ وی موجود ہن۔
