اسلام آباد۔9اکتوبر(اے پی پی) صدر مملکت آصف علی زرداری شمالی وزیرستان دے علاقے میر علی اچ انٹیلیجنس بیسڈ آپریشن تے سیکورٹی فورسز دی کارروائی دی تعریف کریندے آکھیے سیکورٹی فورسز وختی کارروائی کرتے 2 خوارج کوں جہنم واصل کیتے۔ ایوان صدر دے پریس ونگ موجب صدرآصف علی زرداری سیکورٹی فورسز دی بہادری تے انھاں کوں خراج تحسین پیش کیتے تے آکھیے جو قوم دی مدد نال دہشت گردی دا منڈھوں خاتمہ کیتا ویسی ۔ملک اچ دہشت گردی دے منڈھوں خاتمے تئیں تے لوکاں دی جان و مال محفوظ بݨاوݨ سانڳے ہر ممکن اقدامات چاتے ویسن ، قوم کوں آپݨے جانباز نینگراں تے ماݨ اے جیڑھے ملک دی حفاظت سانڳے ہر ویلھے تیار ہن۔
