اسلام آباد – 29 جولاءِ (اي پي پي) صدر ڊاڪٽر عارف علوي چيو آهي ته وزيراعظم عمران خان پاڪستان کي اقليتن لاءِ محفوظ ملڪ بڻائڻ لاءِ پرعزم آهي، مديني جي رياست جي اصولن تي اهڙو نئون پاڪستان بڻائڻ چاهي ٿو جتي اقليتون محفوظ ۽ سمورن شهرين لاءِ برابر موقعا ميسر هوندا. وزيراعظم ملڪ کي مديني جي رياست جي اصولن موجب بڻائڻ لاءِ جدوجهد ڪري رهيو آهي، هن اها ڳالهه ايوان صدر ۾ اقليتن جي قومي ڏينهن جي موقعي تي منعقد تقريب کي خطاب ڪندي چئي.
