لاہور۔12جون(اے پی پی) مالی سال 2024-25 کیتے پنجاب دا بجٹ (صبحائیں) خمیس 13 جون کوں پیش کیتا ویسی۔ وزیر خزانہ پنجاب مجتبی شجاع الرحمن پنجاب اسمبلی دا بجٹ پیش کریسن جیندے کیتے بجٹ اجلاس ݙینھ 2 وڄے تھیسی۔ ترجمان وزارت خزانہ پنجاب دے مطابق مالی سال2024-25 دا بجٹ عوام دوست ہوسی، آندی صوبائی بجٹ اچ کوئی نواں ٹیکس نہ لایا ویسی، وسائل ودھاوݨ کیتے پہلے توں لاگو ٹیکسز دیاں وصولیاں تے توجہ ݙتی ویسی۔ بجٹ اچ تعلیم،صحت اتے سماجی تحفظ، سرمایہ کاری، صنعت و زراعت تے توجہ ݙتی ویسی، وݙے منصوبے پبلک پرائیویٹ پارٹنر شپ نال لائے ویسن۔ بجت اچ سرکاری ملازمین دیاں تنخواہیں ودھاوݨ کیتے وی اقدامات کیتے ویسن۔
