اسلام آباد۔19اپریل (اے پی پی):وفاقی وزیر قانون و پارلیمانی امور اعظم نذیر تارڑ آکھیے صدارتی خطاب تے بحث سانڳے تحریک اڄوکےسیشن دے ایجنڈے تے گھن آئی ویسی ، مشترکہ اجلاس توں صدارتی خطاب دے موقع تے جیڑھا اپوزیشن دی طرفوں رویہ اختیار کیتا ڳئے او افسوسناک اے۔ قومی اسمبلی اچ قائد حزب اختلاف عمر ایوب اعتراض دے نکتے تے آکھیے آئین دے آرٹیکل 56 صدارتی خطاب دے حوالے نال ہے جیں دے تحت اسمبلی دے ہر پارلیمانی سال دے آغاز تے صدر مملکت پارلیمنٹ دے ݙوہیں ایواناں توں خطاب کریندن۔ قومی اسمبلی دے قواعد و ضوابط دے قاعدہ 60 دے تحت صدارتی خطاب تے بحث کیتی ویندی اے جیں سانڳے اسمبلی اچ بحث سانڳے تحریک ایجنڈے اچ شامل کائنی اے آئین دی خلاف ورزی اے جیں دا جواب ݙیندے ہوئیں وفاقی وزیر قانون و پارلیمانی امور اعظم نذیر تارڑ آکھیے قومی اسمبلی دا پہلا اجلاس جاری اے۔ اجلاس غیر معینہ مدت تئیں ملتوی نی تھیندا پیا ۔ ایجنڈے تے آئٹم گھن آوݨ باقی اے۔ اے آئین نال روگردانی کائنی ۔ صدارتی خطاب تے بحث دی تحریک گھن آسوں ۔ انہاں آکھیے جو ملک دے سربراہ مملکت دے خطاب دے موقع تے جیڑھا رویہ ݙکھایا ڳئے او افسوسناک اے۔
