اسلام آباد۔25جولائی (اے پی پی) وزیر مملکت قانون و انصاف سینیٹر شہادت اعوان آکھیے وزارت سائنس و ٹیکنالوجی دے مختلف اداریں اچ اہم عہدیں تے تعیناتی دا عمل وختی مکمل تھیسی ۔ سینیٹ اجلاس اچ سوالاں دے وقفے اچ سینیٹر مشتاق احمد دے سوال دے جواب اچ وزیر مملکت قانون و انصاف سینیٹر شہادت اعوان آکھیے چیئرمین پی سی ایس پی دا عہدہ ݙاہ سال توں خالی اے، موجودہ حکومت ایں عہدے تے تعیناتی دا عمل شروع کرݙتے ، امیداراں دے انٹرویو تھی چکن ، چیئرمین سی ڈبلیو ایچ آر دا عہدہ وی ݙاہ سال توں خالی اے، ایں ادارے کوں ݙوجھے اداریں اچ ضم کرݨا ہئی جیں پاروں ایں عہدے تے تعیناتی اچ تاخیر تھئی، موجودہ حکومت ایں عہدے تے تعیناتی کیتے کنسلٹنٹس تعینات کرݙتن ۔ ڈائریکٹر جنرل این آئی ای دا ناں فائنل کرݙتے ، وختی تعیناتی تھی ویسی ۔
