اسلام آباد۔20جنوری (اے پی پی) وفاقی وزیر اطلاعات تے نشریات مریم اورنگزیب آکھیا جو اتحادی حکومت دی ساریاں توں وݙی جت ملک کوں پراجیکٹ عمران توں پاک کرݨ اے، عمران پراجیکٹ ملک کوں معاشی دیوالیہ آلے پاسے دھکیل ݙتے، اڄ ملک اچ مہانگ، معاشی تباہی اتے سیاسی عدم استحکام عمران پراجیکٹ پاروں اے۔ جمعے کوں عمران خان دے بیان دے ولدے اچ انہاں آکھیا جو پاکستان مسلم لیگ (ن) 2018 اچ ملک کوں تاریخی معاشی استحکام اتے عوام کوں سستی روٹی، کھنڈ، اٹا، بجلی، گیس، پٹرول نینگراں کوں روزگار، ملک دی ترقی، سی پیک، ، 14000 میگاواٹ بجلی اتے دہشت گردی توں پاک پاکستان ݙے تے ڳی ہئی۔ مسلم لیگ (ن) ملک کوں تاریخی 6.2 فیصد ترقی اتے آئی ایم ایف دا پروگرام پورا کر تے ڳی ہئی۔ چار سالیں اچ عمران پراجیکٹ ملک دا معاشی دیوالیہ کیتا، نینگراں کوں بے روزگار کیتا، ملک کوں دہشت گردی ݙتی اتے ترقی روک ݙتی۔ وفاقی وزیر آکھیا جو عمران پراجیکٹ چار سال عوام کوں غریبی، مہانگ، اٹا، کھنڈ، دالیں اتے تیل مہانگا کیتا۔ اڄ ملک اچ روٹی مہانگی اے تاں عمران خان پاروں اے، اڄ سخت شرائط آلا آئی ایم ایف دا پرگرام عمران پراجیکٹ دا عوام کوں ݙتا تحفہ اے۔ اڄ ملک اچ مہانگ اچ بجلی اتے گیس عمران پراجیکٹ پاروں اے۔ عمران خان 2018 اچ ملک تے مسلط تھیوݨ آلے الیکشن دی ڳالھ کر سڳدن الیکشن نی لڑ سڳدے۔
