اسلام آباد۔3فروری (اے پی پی):وفاقی وزیر منصوبہ بندی ترقی واصلاحات وخصوصی اقدامات اسدعمر آکھیے جو وزیراعظم عمران خان دا دورہ چین ٻہوں اہمیت رکھیندے جیڑھا جو پاک چین یاری دی لازوال دوستی دا منہ ٻولیندا ثبوت اے ، ساݙا مشن سی پیک دے ذریعے سرمایہ کاری کوں مزید ودھارا ݙیوݨ تے خاص طور تے چینی سرمایہ کاراں کوں بھرپور معاونت ݙیوݨ اے ۔اپݨے دورہ چین دے حوالے نال ویڈیو پیغام اچ وفاقی وزیر اسد عمر آکھیے جو چین دی پاکستان اچ سرمایہ کاری کیتے جامع دستاویزات تیار کیتیاں ڳئن ، چینی سرمایہ کاراں کوں پاکستان اچ سرمایہ کاری کیتے قائل کریسوں ، اسدعمر آکھیے جو وزیراعظم دا دورہ چین اہمیت دا حامل اے،چین اچ اہم امور زیر بحث آسن ،
