اسلام آباد۔1جنوری(اے پی پی)خیبرپختونخوا، گلگت اتے وفاقی دارالحکومت اسلام آباد اچ زلزلے دے جھٹکے محسوس کیتے گین۔ خیبرپختونخوا دے علاقے پشاور، سوات، نوشہرہ، شبقدر، مہمند، صوابی، مردان، باجوڑ، بونیر، شانگلہ، لوئر دیر سودھا ملاکنڈ دے علاقیاں سودھا ایبٹ آباد اچ زلزلہ محسوس تھئے۔ چترال، غذر اچ وی بھوئیں کمب آئے۔ ݙسایا ڳئے جو وفاقی دارالحکومت اسلام آباد سودھا ٻئے علاقیاں اچ وی شام 6 وڄ تے 16 منٹ تے زلزلہ آعے بھل کوئی جانی ضیان نئیں تھیا۔ زلزلے دا مرکز افغانستان، تاجکستان بارڈر ھا، ریکٹر اسکیل تے زلزلے دی شدت 5.3 ریکارڈ کیتی گئی اتے اے زمین ہیٹھ 180 کلو میٹر جھکا ہا۔
