اسلام آباد۔5اگست (اے پی پی):چیف آف دی نیول اسٹاف ایڈمرل محمد امجد خان نیازی یوم استحصال دے موقع تے کشمیری عوام نال اظہار یکجہتی کریندے ہوئیں آکھیے جو کشمیری عوام دیاں قربانیاں ضائع نہ ویسن ۔ خمیس کوں آپݨے ھک بیان اچ انہاں آکھیے جو مسئلہ کشمیر اقوام متحدہ دیاں قرارداداں تے کشمیری عوام دیاں امنگاں دے مطابق حل تھیوݨا چاہیدے ۔ مقبوضہ کشمیر اچ جاری بھارتی مظالم تے عالمی برادری کوں نوٹس گھنݨا چاہیدے ۔ نیول چیف آکھیے جو پاک بحریہ اپݨے جہازاں دے ٻاہرلے ملک دوریں تے بین الاقوامی بحری مشقاں دے دوران مسئلہ کشمیر کوں عالمی برادری دے سامݨے اجاگر کریندی رہ ویسی ۔
