اسلام آباد۔29 دسمبر(اے پی پی) الیکشن کمیشن مخصوص نشستاں کیتے الیکشن شیڈول اچ تبدیلی کرݙتی۔ قومی اتے صوبائی اسمبلیاں اچ تریمتیں اتے اقلیتاں دی مخصوص نشستاں کیتے الیکشن پروگرام اچ تبدیلی کیتی گئی اے۔ الیکشن کمیشن نوٹیفکیشن جاری کریندے آکھیے جو مخصوص نشستاں کیتے کاغذات نامزدگی دی جانچ پڑتال 13 جنوری تئیں کیتی ویسی۔ ریٹرننگ افسران دے فیصلاں دے خلاف اپیل 16 جنوری تئیں دائر کیتی ونڄ سڳسی۔ ایپلیٹ ٹربیونل 19 جنوری تئیں اپیلاں نمٹیسن۔ مخصوص نشستاں کیتے امیدواراں دی حتمی فہرست 23 جنوری کوں لائی ویسی۔
