اسلام آباد۔18دسمبر(اے پی پی):سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی دی لکی مروت اچ تھاݨہ برگی تے دہشتگرداں دی فائرنگ دی مذمت کریندے ہوئیں شہید تھیوݨ آلے اہلکاراں دیاں قیمتی جاناں دے ضیان تے ݙکھ تے افسوس کیتے ۔ آپݨے بیان اچ سپیکر آکھیے دہشتگردی دشمن دی مذموم سازش اے جیں دے ذریعے او ملک اچ بدامنی کھنڈاوݨ چاہندے ، قانون نافذ کرݨ آلے ادارے واقعہ اچ ملوث عناصر کوں گرفتار کرتے قانون دی وٹھ اچ گھن آون۔ سپیکر اتے ڈپٹی سپیکراللہ تعالیٰ توں شہدا دے درجات دی بلندی اتے ݙکھی خانداناں کوں ایں ناقابل تلافی ضیان کوں برداشت کرݨ کیتے حوصلہ اتے ہمت عطا فرماوݨ دی دعا کیتی۔
