کوئټه 18 اکتوبر(اے پی پی) د بلوچستان د كورنيو چارو وزیر میرسرفراز بګټی وئيلي دي چې د پولیس په ګاډي بريد كښې د پولیسو 5 اهلکارو پشمول 6 كسان شهيدان او 22 ژوبل شوي دي، پھ بلوچستان كښې د ترهه ګرۍ په كارروائيو كښې د هند استخباراتي څانګه’’را ‘‘ او این ډی اېس ككړ دي۔ دا خبرې ده د شورو په ورځ د پولیسو په ګاډي د بريد نه پس د پېښې ځائ څارنې په مهال ميډيا سره په خپلو خبرو كښې وكړې۔ میرسرفراز بګټی ووئيل په دې بريد كښې ترهه ګرو د پولیسو ګاډې په نښه كړې ؤ چې په نتيجه كښې ئې د 5 پولیس اهلکارو پشمول 6 كسان شهيدان او 22 ژوبل شوي دي ٬ ده ووئيل د ابتدائی پلټنو څخه داسې معلومېږي چې د پولیس په ګاډې شوې بريد ځانمرګې ؤ خو د تفصیلی راپور نه پس به حتمی خبره كولې شي۔ده ووئيل بلوچستان كښې د ترهه ګرۍ په كارروائيو كښې د هند استخباراتي اداره’’را ‘‘ او این ډی اېس ككړ دي۔ ده ووئيل حکومت او قانون نافذ کونكې ادارې د ترهه ګرۍ په ضد په فرنټ لائن جنګ كښې بوښت دي او تر آخری ترهه ګر به دا جنګ روان وي۔ ده ووئيل بلوچستان د ترهه ګرو په ټارګيټ دے او ترهه ګر آسان هدف په نښه كوي۔ ده ووئيل د پولیس اهلکارو په ګاډي بريد كښې ككړ كسان او سهولت كار به انصاف سره مخ كولې شي۔
