اسلام آباد ۔ 17 جولائی (اے پی پی) محکمہ موسمیات آندے آڈت تئیں راولپنڈی اسلام آبادسودھے ملک دے اتلے علاقیاں اچ کتھائیں کتھائیں تیز ہوائیں ، کھمنڑ اتے گاجاں نال مینہہ وسنڑ دا امکان ظاہر کیتے۔ایں دوران خیبرپختونخوا (پشاور، کوہاٹ، بنوں، ڈی آئی خان ڈویژن)، پنجاب (سرگودھا، فیصل آباد، ساہیوال، ملتان، ڈی جی خان، بہاولپور ڈویژن)، بلوچستان (ژوب، قلات ڈویژن)، سندھ (میرپورخاص ڈویژن)، فاٹا اتے گلگت بلتستان اچ کجھ جاہیں تے تیز ہوائیں کھمنڑ اتے گاج نال بارش تھیسی۔(اج ) بدھ کوں مالاکنڈ، ہزارہ، مردان، پشاور، کوہاٹ، گوجرانوالہ، لاہور، سرگودھا، راولپنڈی، فیصل آباد، ڈویژن، اسلام آباداتے کشمیر اچ کتھائیں کتھائیں جڈاں جو بنوں، ڈی آئی خان، بہاولپور، ساہیوال، ملتان، ڈی جی خان، میرپورخاص، حیدرآباد، ژوب، قلات ڈویژن، فاٹا اتے گلگت بلتستان اچ کجھ جاہیں تے بارش تھیسی۔ ایں دوران ہزارہ، مردان، راولپنڈی، گوجرانوالہ، لاہور ڈویژن اتے کشمیر اچ کتھائیں کتھائیں تیز ہوائیں ، کھمنڑ اتے گاجاں نال تیزمینہہ وسنڑ دا امکان اے۔ گزریل 24 گھنٹے اچ ہزارہ، راولپنڈی، گوجرانوالہ، فیصل آباد، سرگودھا، ڈی جی خان ڈویژن، اسلام آباداتے کشمیر اچ کتھائیں کتھائیں جڈاں جو پشاور، شہید بینظیرآباد ڈویژن اتے گلگت بلتستان اچ کجھ جاہیں تے کتھائیں کتھائیں تیز ہوائیں ، کھمنڑ اتے گاجاں نال مینہہ وسیے۔
