اسلام آباد۔18جولائی (اے پی پی) وفاقی وزیر منصوبہ بندی، ترقی ، اصلاحات تے خصوصی اقدامات احسن اقبال آکھیا جو کہیں وی ملک دی ترقی اچ سیاسی استحکام، پالیسیاں دا تسلسل اتے اصلاحات اہم کردار ادا کریندن، پاکستان ڈیجیٹل مردم شماری کراوݨ آلا جنوبی ایشیا دا پہلا ملک اے۔ معاشی استحکام نہ ہووݨ پاروں اساں وسائل دی ڳھٹکی دا شکار ہیسے۔ اے ڳالھیں انہاں 7ویں مردم شماری دے تفصیلی نتائج دے اجراء دی تقریب توں خطاب کریندیں ہوئیں آکھی۔ انہاں آکھیا جو آئین دے تحت مردم شماری ہر ݙاہ سال بعد کراوݨی ہوندی اے۔ 2017 اچ سندھ مردم شماری دے نتیجے تے تحفظات کیتے ہن۔ نویں عام انتخابات کوں غیر متنازعہ ٻݨاوݨ کیتے سال 2027 دی بجائے جلدی مردم شماری کرائی ڳئی۔
