اسلام آباد۔10فروری(اے پی پی):وفاقی وزیر اطلاعات و نشریات مریم اورنگزیب معروف شاعر، ادیب، ڈرامہ نویس، شاعر امجد اسلام امجد دے انتقال تے ݙکھ تے افسوس کریندے ہوئیں آکھیے جو عوام دے حقوق تے احساسات دی ترجمانی کرݨ آلا ھک وݙا انسان اڄ دنیا توں ٹر ڳئے ۔ آپݨے بیان اچ وفاقی وزیر مریم اورنگزیب آکھیے امجد سلام امجد اپݨی زندگی دے پنجاہ سال اردو ادب کوں ݙے تے اساں کیتے قیمتی سرمایہ چھوڑ ڳن ، او تیݙے نصیب دا مینھ کہیں ٻئی چھت تے وس ڳعے ، ھک نسل کوں یاد اے ۔ انہاں آکھیے 1980 اچ انہاں دا مشہور ڈرامہ وراث اڄ وی ھک شاہکارمنیا ویندے ۔ادب دی دنیا اچ امجد اسلام امجد دا ناں ہمیشہ زندہ رہسی ۔اللہ تعالی مرحوم دے درجات اچے کرے تے تے لواحقین کوں صبر ݙیوے آمین۔
