اسلام آباد۔1جولائی (اے پی پی):وفاقی وزیر اطلاعات و نشریات مریم اورنگزیب آکھیے جو صحافت زنجیراں اچ وکڑی ہووے تاں جمہوریت وی پابند سلاسل ہوندی اے ، میڈیا تے اظہار رائے دی آزادی کہیں تے احسان کائنی بلکہ آئین دا بنیادی تقاضا تے حق اے ، صحافیاں دا تحفظ تے پیشہ ورانہ سازگار ماحول ݙیوݨ اتحادی حکومت دی اولین ترجیح اے، وزیراعظم شہباز شریف ذمہ واری سنبھلیندے ہی میڈیا مخالف قوانین تے ضابطیں کوں ختم کرݨ دا عمل شروع کیتا ، صحافیاں دے تحفظ دے (ترمیمی) ٻل 2022ء تے صحافیاں تے صحافتی تنظیماں نال مزید مشاورت کر تے مسودہ قانون کوں حتمی شکل ݙیسوں۔ اے ڳالھ انہاں پاکستان فیڈرل یونین آف جرنلسٹس (دستور) دے صدر نواز رضا دی قیادت اچ ملاقات کیتے آئے وفد نال ملاقات اچ آکھی اے ۔ وفاقی وزیر اطلاعات آکھیے میݙی خصوصی ہدایت تے جرنلسٹس اینڈ میڈیا پروفیشنلز پروٹیکشن (ترمیمی) ٻل 2022ء وزارت اطلاعات کوں مل ڳئے جیں کوں حتمی شکل ݙیوݨ کیتے خصوصی کمیٹی بݨا ݙتی ڳئی اے ، ایں کمیٹی اچ اطلاعات، قانون، انسانی حقوق دیاں وزارتاں تے میڈیا دے نمائندے شامل ہن۔ انہاں آکھیے معاملے کوں وختی نبیڑݨ کیتے کمیٹی اچ وفاقی سیکریٹری اطلاعات و نشریات محترمہ شاہیرہ شاہد وی شامل ہن۔ مریم اورنگزیب آکھیے جو صحافیاں تے صحافتی تنظیماں نال مزید مشاورت کر تے مسودہ قانون کوں حتمی شکل ݙیسوں ۔ انہاں آکھیے آزادی صحافت دا احترام جمہوریت دی بنیاد اے، میڈیا دی آزادی توں ہی سیاست وی زندگی پیندی اے ۔ انہاں آکھیے میڈیا دے اداریں اتے صحافیاں کوں فیک نیوز تے پروپیگنڈا نیوز روکݨ کیتے آپݨا فعال کردار ادا کرݨا ہوسی ، ایں موقع تے پی ایف یو جے دے وفد وفاقی وزیراطلاعات کوں صحافیاں کوں پیش آندی مشکلات تے پیشہ ورانہ مسئلیں بارے ݙسایا ۔ وفاقی وزیر اطلاعات آکھیے جو صحافی تنظیماں دی سفارشات دی روشنی اچ رل تے صحافیاں دے مسئلے حل کریسوں ۔
