انتخابی نظام کوں مستحکم بݨاوݨ سانڳے رل تے کم کرݨ سیاسی جماعتاں اتے متعلقہ اداریاں دی قومی ذمہ واری اے، صدر مملکت ڈاکٹر عارف علوی دا انتخابی اصلاحات بارے جائزہ اجلاس نال خطاب

2025-03-08 17:38:48

APP55-240621 ISLAMABAD: June 24 - President Dr. Arif Alvi chairing a meeting with Federal Ministers to discuss the electoral reforms process at Aiwan-e-Sadr. APP

اسلام آباد۔24جون (اے پی پی) صد?? مملکت ڈاکٹر عارف علوی ، اوورسیز پاکستانیاں کوں انہاں دے سیاسی حقوق ݙیوݨ دے نال انتخابی نظام کوں مستحکم بݨاوݨ سانڳے رل تے کم کرݨ سیاسی جماعتاں اتے متعلقہ اداریاں دی قومی ذمہ واری اے۔ اے ڳالھیں انہاں خمیس کوں انتخابی اصلاحات بارے جائزہ اجلاس دی صد??رت کریندیں ہوئیں آکھی۔ اجلاس اچ وفاقی وزیر سائنس تے ٹیکنالوجی سینیٹر شبلی فراز، وفاقی وزیر برائے اطلاعات و نشریات چوہدری فواد حسین، وفاقی وزیر تعلیم و پیشہ وارانہ تربیت شفقت محمود، وزیر انفارمیشن ٹیکنالوجی تے ٹیلی کمیونیکیشن امین الحق اتے وزیراعظم دے مشیر برائے پارلیمانی امور ظہیر الدین بابر اعوان شرکت کیتی۔ ایں موقع تے انتخابی اصلاحات قوانین اچ بہتری بارے مختلف تجویزاں تے ڳالھ مہاڑ کیتی ڳئی۔ اجلاس اچ اصلاحاتی عمل کوں اڳوں ودھاوݨ سانڳے سیاسی جماعتاں اتے ٻئے سانجھے داراں وچال اتفاق رائے بݨاوݨ دی لوڑھ تے زور ݙتا۔ صد?? مملکت ، الیکشنز ایکٹ 2017 دا حوالہ ݙیندیں ہوئیں آکھیا جو ساری سیاسی جماعتاں جمہوری عمل کوں مضبوط بݨاوݨ سانڳے اوندی حمایت کیتی اے۔ انہاں آکھیا جو انتخابی نظام کوں مستحکم بݨاوݨ سانڳے رل تے کم کرݨ سیاسی جماعتاں اتے متعلقہ اداریاں دی قومی ذمہ واری اے۔