ملک کوں ایندے منتخب نمائندے چلیسن ، نگران حکومت دے انتظامی اقدامات توں ڈالر دی قدر گھٹی ، امید اے آندے ݙینھاں اچ پٹرولیم مصنوعات دیاں قیمتاں گھٹ ویسن ، بجلی چوری دے خلاف اقدامات توں تقریباً 8 ارب روپے دی ریکوری تھئی ، مرتضیٰ سولنگی

2025-03-06 17:37:29

کراچی ۔23ستمبر(اے پی پی)نگران وفاقی وزیر اطلاعات و نشریات مرتضیٰ سولنگی آکھیے آئین دے تحت ملک کوں ایندے منتخب نمائندے چلیسن ، نگران حکومت دے انتظامی اقدامات توں ڈالر دی قدر گھٹ تھئی اے جیں دا اثر پٹرولیم مصنوعات دی خریداری تے وی پمدے ، امید اے آندے ݙینھاں اچ پٹرولیم مصنوعات دیاں قیمتاں اچ گھٹکی تھیسی ، بجلی چوری دے خلاف اقدامات توں تقریباً 8 ارب روپے دیاں ریکوریاں تھئن ، آئین دے آرٹیکل 218(3) دے تحت آزادانہ، منصفانہ، شفاف اتے غیر جانبدارانہ انتخابات کراوݨ دی ذمے واری الیکشن کمیشن کنے ہے، اے ڳالھیں انہاں ہفتے کوں کراچی پریس کلب دورے دے موقع تے پریس کانفرنس توں آپݨے خطاب اچ آکھئن ۔ ایں موقع تے پرنسپل انفارمیشن آفیسر محمد عاصم کھچی وی موجود ہن۔ نگران وفاقی وزیر اطلاعات مرتضیٰ سولنگی آکھیے کراچی پریس کلب میݙا پراݨا گھر اے جیڑھا جمہوریت دے ارتقاءاچ ھک اہم مورچہ رہیے ۔ انہاں آکھیے جو کراچی پریس کلب دی ھک تاریخی حیثیت اے، فکر، علم و دانش دی آزادی اتے عوام دے حق حکمرانی اچ کراچی پریس کلب دا کردار لائق تحسین اے، دور آمریت اچ وی کراچی پریس کلب توں جمہوریت کیتے تکڑی آواز ابھری اڄ وی پاکستان دے محنت کش، مظلوم عوام اپݨا دکھ درد سݨاوݨ کیتے کراچی پریس کلب آندن۔

مضمون کا ماخذ : اسکریچ کارڈ جیتنے کے طریقے

متعلقہ مضامین