وزیر خارجہ بلاول بھٹو زرداری اتےانہاں دے روسی ہم منصب سرگئی لاوروف وچال ٹیلیفونک رابطہ، بلیک سی گرین انیشی ایٹوتے ڳالھ مہاڑ

2025-03-06 17:38:19

اسلام آباد۔26جولائی(اے پی پی) وزیر خارجہ بلاول بھٹو زرداری اتے روسی فیڈریشن دے وزیر خارجہ سرگئی لاوروف وچال ٹیلیفونک رابطہ تھئے۔ دفتر خارجہ دی ترجمان موجب ݙوہیں وزرا خارجہ ݙو پاسے امور تے مختلف شعبیں اچ ودھدے تعاون تے ڳالھ مہاڑ کیتی ۔ ایں موقع تے وزیر خارجہ اپݨے روسی ہم منصب کوں دورہ پاکستان دی دعوت وی ݙتی۔ ݙوہیں وزرائے خارجہ بلیک سی گرین انیشی ایٹو (بی ایس جی آئی) تے وی ڳالھ مہاڑ کیتی ۔ وزیر خارجہ بلاول بھٹو زرداری ایں اقدام دی اہمیت کوں منیندے ہوئیں خوراک دیاں قیمتاں اچ ودھارے تے غذائی تحفظ متعلق چیلنجاں پاروں بݨݨ آلے عالمی غذائی سپلائی چین اچ خلل تے ایندے ممکنہ اثرات کوں منیندے ہوئیں قابل عمل حل ڳولݨ کیتے کوششاں دی لوڑھ تے زور ݙتا تاں جو ترقی پذیر ملکاں کوں ایندے توں فیدہ پڄے جیڑھے پہلے ہی معاشی دٻاؤ اچ ہن ۔ انہاں امید ظاہر کیتی جو بی ایس جی آئی اچ رلیے سارے فریق انیشی ایٹو کوں بحال کرݨ سانڳے تعمیری ڳالھ مہاڑ اچ مشغول ہوسن ۔ ایں حوالے نال وزیر خارجہ سارے فریقین دے تحفظات کوں مکیندے ہوئیں معاہدے دی بحالی کیتے بین الاقوامی کوششاں کیتے پاکستان دی حمایت دا اعادہ کیتے۔ وزیر خارجہ بلاول بھٹو زرداری اپݨے روسی ہم منصب کوں یوکرین اتے ترکی دے وزرائے خارجہ، امریکی وزیر خارجہ اتے یورپی یونین دے اعلیٰ نمائندے دے نال بی ایس جی آئی تے ڳالھ مہاڑ دا ݙسایا ۔ وزیر خارجہ سرگئی لاوروف ایں معاملے تے روس دا نقطہ نظر ݙسائے ۔ ݙوہیں وزرائے خارجہ ایں معاملےتے نیڑے رابطے اچ رہݨ تے اتفاق کیتے۔

مضمون کا ماخذ : اسکریچ کارڈز خریدیں

متعلقہ مضامین