اسلام آباد۔28فروری (اے پی پی) پاکستان اتے ترکی دی داخلہ امور دے وزارتاں تعاون اتے سانجھ ودھاوݨ تے اتفاق کیتے۔ سنوار کوں ترکی دے نائب وزیرداخلہ اسماعیل گتاکلی ، وفاقی وزیر داخلہ شیخ رشید احمد نال وفد دے رلے وزارت داخلہ اچ ملاقات کیتی جئیں اچ پاکستان اتے ترکی وچال ݙو پاسہ تعاون سودھے آپسی دلچسپی دےمعاملیاں تے ڳالھ مہاڑ کیتی ڳئی۔ وزارت داخلہ توں جاری بیان دے مطابق ملاقات اچ علاقائی سکیورٹی صورتحال، غیر قانونی امیگریشن اتے انسانی سمگلنگ تے وی ڳالھ کیتی ڳئی۔ بیان دے مطابق ملاقات اچ پاکستان اتے ترکی دی داخلہ دی وزارتاں وچال تعاون اتے سانجھ ودھاوݨ دے اتفاق کیتا ڳیا۔ وزیر داخلہ شیخ رشید احمد ایں موقع تے ڳالھ مہاڑ کریندیں ہوئیں آکھیا جو پاکستان اتے ترکی بہترین دوست ملک ہن، انہاں آکھیا جو غیر قانونی امیگریشن اتے انسانی سمگلنگ روکݨ ݙوہیں ملکاں دا سانجھا ہدف اے۔
.jpg)
