اسلام آباد۔29اگست (اے پی پی):صدر مملکت ڈاکٹر عارف علوی نال خادم الحرمین الشریفین شاہ سلمان بن عبدالعزیز اتے سعودی عرب دے ولی عہد شہزادہ محمد بن سلمان پاکستان دے مختلف علاقیں اچ سیلاب تے نتیجے اچ تھیوݨ آلے جانی ضیان تے تعزیت اتے ہمدردی دا اظہار کیتے ۔سنوار کوں ایوان صدر دے پریس ونگ اتے سعودی عرب دی وزارت خارجہ دی ھک ٹویٹ موجب شاہ سلمان بن عبدالعزیز صدر مملکت کوں سیلاب توں تھیوݨ آلے المناک جانی ضیان تے تعزیت دا ھک پیغام بھیڄئے جیں اچ خادم الحرمین الشریفین صدر مملکت، جانبحق تھیوݨ آلیں دے اہل خانہ اتے پاکستانی عوام نال تعزیت کیتی اے ۔ انہاں زخمیاں دی وختی صحت یابی دی دعا کریندے ہوئیں آکھیے جو اساں آزمائش دے ایں ویلھے تساݙے نال ہیسے ۔ سعودی عرب دے ولی عہد اتے نائب وزیراعظم شہزادہ محمد بن سلمان وی صدر مملکت کوں ایجھا ہی پیغام بھیجے جیں اچ جیں اچ انہاں آکھیے جو سعودی عرب ایں المناک صورتحال اچ پاکستان دے رلے کھڑے ۔ سعودی ولی صدر مملکت اتے جاں بحق تھیوݨ آلیں دے خاندان نال آپݨے ݙکھ تے دلی ہمدردی دا اظہار کیتے ، انہاں جاں بحق لوکاں کیتے دعائے مغفرت اتے زخمیاں دی وختی صحت یابی دی دعا وی کیتی۔
