اسلام آباد۔27فروری(اے پی پی) وفاقی وزیر پاور ڈویژن سردار اویس لغاری آکھیے جو پاور سیکٹر اصلاحات معیشت دی بہتری سانڳے ٻہوں اہم ہن ،صنعتاں کوں پروان چڑھاوݨ سانڳے بجلی دے ٹیرف اچ کمی دی ہر ممکن کوشش کریسوں ۔ ترجمان پاور ڈویژن موجب اے ڳالھ انہاں انٹرنیشل انویسٹر گروپ دے وفد کوں ملاقات اچ آکھی ۔ ملاقات اچ بجلی دی تقسیم کار کمپنیاں دی نجکاری، سمارٹ میٹرنگ دے حوالے نال ڳالھ مہاڑ کیتی ڳئی ۔ وفاقی وزیر اویس لغاری وفد کوں سمارٹ گرڈ اتے الیکٹرک گاݙیاں دے حوالے نال حکومتی پالیسی تے گردشی قرضے گھٹ کرݨ سانڳے اقدامات دا ݙسائے ۔ سردار اویس لغاری آکھیے پوری کوشش اے مستقبل اچ گردشی قرضہ نہ ودھے، صنعتاں کوں پروان چڑھاوݨ سانڳے بجلی دے ٹیرف اچ گھٹکی دی ہرممکن کوشش کریسوں ۔ پاور سیکٹر اچ سرمایہ کاری دے حوالے نال ڳالھ مہاڑ کریندے وفاقی وزیر آکھیے سرمایہ کاراں کوں سازگار ماحول ݙیسوں ۔ ملاقات اچ انٹرنیشنل انویسٹر گروپ دے وفد پاور سیکٹر متعلق حکومتی اصلاحات کوں معیشت سانڳے اہم قرار ݙتا ۔انٹر نیشنل انویسٹر گروپ اچ کے ٹرید، بارنگز،فیڈلی، ایشمور اتے جفریز دے نمائندے شامل ہن۔
.jpg)
